البوست الأوّلاني!

السلام عليكم و رحمة الله و بركاته ~

!اسمي تغريد فلمبان *ممكن تقولولي توتة* مغردة تويترية لمت عفشها و حكاويها اللي ما تخلص و جات هنا

قررت أسوي مدونة أكتب فيها كلام .. ممكن يكون فاضي *و يمقن لأ* عشان تويتر ما يخليني أكتب أكتر من 140 حرف و دا ما  يستحمل قرقرتي اللانهائية أبداً. شوفوا هوا احتمال كبيييير إني سويتو عشان أبا أفضفض في العلن و احتمال آخر إني سويتو عشان حقيقي ما ورايا شي  :p

و ليش اسم

 (Above My Purple Cloud)

أو

(فوق غيمتي الموفية)

لول الاسم بالعربي *وجه كاتم ضحكة* المهم عشان .. الصراحة مدري بس ترى قعدت فترة أدورلي اسم عِدِل للمدونة و دا اللي طلعت بيه و عاجبني ياخي :D

طب إيش معنى موف ؟ عشان دا هوا لوني المفضل 

مو دا  

*دااااااااا *وجه عيونو قلوووب

مدونتي شخصية فكل شي فيها تقريباً حيكون من كتاباتي , حكاويَّ , صوري , أفكاري , تطبيقي لأشياء شفتها عالنت و كدا يعني

و طبعاً كل شي حيكون
SUPER RANDOM
فلا تتوقعوا مني شي واو أبداً xD

أول بوست بعد دا حيكون عبارة عن تعريف بنفسي حأسطرلكم حقائق عني بشكل رؤوس أقلام و  ممكن الحقائق دي تتجدد و تتغير مع
الزمن .. لو مهتمين إنكم تعرفوني يعني

و بس .. أعتقد دا كل اللي كان نفسي أقولو كبداية و إن شاءالله تنبسطوا و لو ما انبسطتوا مو لازم أهم شي أنا مبسوطة :p

و على فكرة: لا تنسوا تسوولي فولو عالتويتر

@Taghreed_F

و صلّ اللهم و بارك على سيدنا محمد و على آله و صحبه اجمعين :)

Toota.