السلام عليكم و رحمة الله وبركاته
كيفكم ؟ *لو في أحد يقرأ أصلاً
اعتراف! كأني اتحمست لفكرة المدونة و نسيت هرجتها ؟
قبل لا أبدأ و قبل لا أسوي المدونة دي قلت إني أحتاجها عشان قرقرتي كتيرة و حكاويا ما تخلص
بعدين فجأة !! ما عندي هروج *صوت صرصار الليل* .. همم
و كمان اتحمست أسوي مدونة و دا اعتراف على فكرة عشان .. كل أحد دحين عندو مدونة و حركات < ما عندي هرجة ، أعرف !
المهم و كنت حتى مسوية لستة فيها مواضيع نفسي أكتب عنها
بس الحقيقة هيا إني بلكن ماعرف أحط اللي في راسي في جمل مفيدة *قسم بالله* و دا شي مو كويس مو ؟
كنت أعمل نيو بوست و اكتب العنوان و يلا يا تغريد أكتبي !
و ألاقيني أفكر و أفكر .. و ما زلت ما جبت هرجة مزبوطة
و بعدين ؟
المهم عشان كدا سبت المدونة و لو تلاحظوا الفرق بين تاريخ البوست دا و اللي قبلو ! كتييير يا راقل !
إن شاءالله ، إن شاءالله ححاول أكتب و أزبطلكم هرجاتي و أقدمها بشكل .. مقروء و كويس :D
و .. بس ؟
Take care!
Toota xx
